Joci

Johannes, cum it cubitum, calceos in pavimentum vehementer projicere solet.
Die quodam, vicinus ei dicit: "Amice, precor! Noli nocte calceos tam
vehementer projicere, fragor in cubiculo meo auditur, itaque e somno expergiscor."
-- Da veniam, respondet Johannes, calceos jam non projiciam.
Nocte sequenti, Johannes cubitum it, vestem deponit, calceum priorem in
pavimentum projicit, et tunc, o horror, subito vicini meminit... Sed quid
faciat? Calceum alterum in pavimento leniter cauteque ponit, ... et in somnum labitur.
Postero die, vicinum videt eique dicit: "Meliusne hac nocte dormisti?"
Tunc respondet vicinus: "Pessime etiam dormii: unum calceum cadentem
audivi... et alterum totam noctem exspectavi!"

E C.Desessard "Lingua Latina sine Molestia"