Res publica Adygeia
(MAS num. 52, a. MMI)
Caucasus antiquitus variarum gentium centrum erat. Hic oppida Graeca sita erant, huc multa genera bellatus veniebant. De Caucaso multae fabulae (Aea, Prometheus) narrationesque scriptae sunt, sed usque ad nostram aetatem homines de regione ista parum sciunt. Ideo de ea narrare velim. Etiam nunc multae res publicae in regione Caucasea sitae sunt, sed ego solum de una illarum narrabo, de Adygeia.
Res publica illa haud procul ab Euxino Ponto, in Rossia meridionali sita est. Natura regionum Adygeiae valde divertit; alti montes et citi rivi, ampliae planities et quieta flumina, agri et silvae densae. Sed clima molie calidumque est: temperatura aeris hieme -5 - +25 C; sed nonnunquam ningit; aestate enim usque ad +45 C. Agricultura tali conditione floret, hic multa plantaria colunt: uvam, avenam, citrullas vulgares, peponem et cetera.
Antiquitus Adygi in ista regione habitabant. Fabulae Slavicae narrant Kasogos - parentes Adygorum - partem Slavarum copiarum fuisse et cum eis arma tulisse. Saeculis XIX-XX regio Caucasea a Rossicis copiis capta est et postea, anno MCMXXII Adygeia condita est. Nunc superficies rei publicae c. 7800 chiliometrorum quadratorum est et c. 450000 incolarum vivunt. Urbs princeps Adygeiae nomine Maikop c. 180000 incolarum habet. Ea in pulchro loco, contra montes ad flumen Belaia (Alba) nomine sita. Flumen illud e montibus altis devenit, inter agros prataque fluit et multas urbes rusticationesque alit. In Maikopa regione rurum viculorumque multitudo sita est, maximum illorum est stanitsa (rus kazacum) Chanskaia (12 chiliometra distans a Maikope). Rus illud c. 20000 incolarum et superficiem c. 80 chiliometra quadrata habet. Hic etiam ripae Belaiae in bellis locis inter montes planitiesque sita campisque latis cincta est. Incolae Chanskaiae in campis vel fabricis, quae ruri ipsi urbibus que vicinae sunt, laborant. Atque omnes hortos proprios prope domum suam habent, ubi varia plantaria crescunt: lycopersica esculenta, solana tuberosa, cucumeres... et cetera.
Adygeia scholas institutaque varia studiorum habet, exempli causa Maikope c. XX scholae, X scholae professionales et X instituti studii supremi sunt, ubi professiones diversas profitentur, inter quas professor scholae, professor linguarum hospitum, constructor, medicus et ceteri. Hoc centrum linguarum quoque est, quo solum linguae discuntur: Rossica, Adygeia, Theodisca, Francogallica et ceterae. Latinitatem enim in scholis professionalibus medicinis institutisque studii supremi medici, iurisperiti, linguaperiti etc. discunt.
Itaque de Adygeia paucis narravi, sed si quis de regione ipsa Rossiaque vult plus scire, quaeso, scribite mihi Latine aut in italiano, en francais, en espanol, em portuges, deutsch, po polsku, Ide, Esperante etc., libenter omnibus respondebo.
