REDIBO
Agave arbor foliis denticulatis atque saginatis, propria terrarum sole calentium, viginti annos fere vivit, postea edit caulem florum copiosum et excedit e vita.
Redibo,
viridis agave,
tuos flores tenues revisum rursus,
nitidum Siciliae caelum versus
intentos!
Admiranda folia saginata,
spinis circundata,
acuti venenati aculei!
Redibo,
agave pueritiae meae,
revisum tuum caulem procerum
priusquam frondes
in candelabro formam
pulchris floribus exornatae,
e vita cedentes,
tuas necent generosas radices.
Tum denique una laetabimur!
